網紅的藏寶箱【我又出醜喇☺️】頭先睇醫生，見牆上掛咗塊嘢，寫住「劍膽琴心」，我就問醫生：「呢個點解呀？」因為我以為佢練武。
醫生答我：「即係話我『膽大心細』囉。」
我好驚訝，問：「點解呢個人要咁話你？」
因為我以為『膽大心細』係解做「無咁大個頭，戴咁大頂帽」，點解醫生被人話都掛出嚟🤔
然後，醫生就用好似教小學生咁嘅語氣解釋：「膽大心細即係講人有膽，但做事心思細密」。
正當我想同佢拗「醫生，唔係咁解㗎」，鄉里在旁急忙幫手解釋：「係好嘢嚟㗎，即係讚緊醫生。」
同一時間，醫生就打個比喻：「即係我做呢一下（佢扭緊我條頸），要有膽落手，睇落好容易，但係背後要細心思考過，就解做膽大心細喇。」
我「哦」咗一聲，又發現多件幾十年嚟都解錯嘅嘢🤔然後我就大叫：「好痛呀醫生！我想將啲痛畀咗你呀」（反正佢咁大膽🤷🏻♀️）
今日係「國際左撇子日」，有研究話用左手嘅人聰明啲，我又唔覺喎😅
醫生話我係扭傷頸，所以扯到右手，要覆診呀，我痛到連頭都洗唔到，今日一餅嘢咁教，真係醜死人。希望下次游水唔好再撞到啲打橫游嘅人啦，否則我真係⋯⋯💪🏻痛死我喇！
Search